Mipla

Pacific Island Projects (PIP) isave wok bung wantaim ol projek blong kamapim gutpla wok forestri wantaim sapot blong ol dona patna. Mipla ikamapim sixpla tulkit we igivim skul na save long ol femili, ol sumatin, ol papagraon, na ol man isave planim diwai na prosesim timba. Ol displa risos istap fri long intanet.

Stori

Long 2006, Simon na Noven Rollinson wantaim fopla liklik pikinini blong ol ikamap long Rabaul taun na kirapim displa wok helpim long haus blong ol yet. Haus blong ol ilukluk igo daon long Simpson haba na maunten Tavurvur ipairap klostu. Ol ibin luksave olsem wanwan projek ol iwokim, isave kamapim gen ol narapla projek na igo yet. Displa rot ibin kamapim ol sixpla tulkit long pawarim ol gutpla wok forestri. Nau, mipla igat olsem 3000pla ol risos istap insait long 750pla folda.

Bipo, mipla isave wok bung tasol wantaim ol patna insait long wanwan projek blong redim ol sixpla tulkit. Nau, namba blo ol lokal patna iwok long gro wantaim sapot blong plant lain long PNG na ovasis.

Wanwok

Bungim ol lain isave pawarim ol gutpla wok forestri:

Noven Rollinson

Co-founder

Noven igat bikpla wok long helpim na strongim PIP na wantaim tu ol poroman blong mipla insait long East New Britain Provins. Long narapla sait, Noven tu em iwanpla memba blong Kuragaga Co-kathedral komiuniti long Rabaul.

Simon Rollinson

Co-founder, Managing Director

Simon ilusim England long 1987 na em iwok long PNG long 1993 inap nau. Em igat digri blong BSc. long Resource & Environmental Management long Australian National University na em isave hamamas long wok bung na toktok wantaim wanpla narapla. Na tu, em isave lukautim ol projek na wok wantaim ol kainkain patna. Em itok tenkyu olsem wok blong PIP ibin kamapim ol nupla senis we em ino bin ting bai kamap.

Hanscilla Dovin

Administrator

Wok blong Hanscilla em long helpim PIP long ron gut. Em isave stretim na lukautim ol wok blong PIP na tu em iredi long toktok wantaim ol manmeri na ol patna.

Edwin Siroi

Visual Artist

Edwin em iwanpla saveman blong wokim ol piksa, na em isave wokim ol penting blong ol man tu. Ol piksa blong Edwin ihelpim ol man long kisim gut ol tok blong PIP insait long ol pepa, hanbuk, na posta. Edwin ironim Smiley Artwork long Kavieng, New Ireland Provins.

Poreni Umau

Audience Engagement Leader

Poreni emi save konekt wantaim ol patna long PIP websait na ol rot blong komiunikeisen olsem Youtube, Facebook na Mailchimp. Em igat digri long Journalism na emi save gat bikpla laik long stori wantaim wanpla narapla. Na tu em ibin menijim Kokopo Bureau long Post Courier nius pepa.

Shona Smith

Graphic Designer

Shona iwok wantaim PIP olsem Graphic Designer long stat blong PIP yet, taim em bin disainim logo. Em ikontiniu long mekim ol grafik disain wei inapim laik na tingting blong PIP. Nau yet emi ronim displa wok helpim long Cairns, North Queensland.